Nesta xornada, por un fallo na xestión desta directiva, os equipos Prebenxamín B e Benxamín C non puideron disputar os seus partidos xa que os árbitros non atenderon as modificacións de última hora. Pedimos desculpas aos xogadores, adestradores e familias.
Partido do Benxamín B cunha primeira parte moi disputada e unha segunda metade totalmente nosa. Os nenos entenderon en todo momento o que intentabamos transmitir e fixeron un traballo encomiable. Mala sorte tivemos na segunda metade na que mandamos 3 balóns ao poste. Resultado final 3-3 tras un partidazo. Para seguir así.
Vitoria por 2-7 do Benxamín A ante o Col. Apóstol C nun partido controlado no que puidemos marcar máis goles pero non foi necesario, con dous goles en contra nos últimos minutos que "maquillaron" o resultado do Apóstol. Toca seguir traballando que a próxima xornada toca un partido moi duro. Adri Viñas con 4, Marcos Viñas con 2 e Rubén foron os autores dos goles.
A contundente vitoria do Alevín A por 19-1 os catapulta á primeira posición da táboa. Despois dun partido ante un rival moi inferior no que se "deixaron ir", sen presionar e aproveitaron para probar aos xogadores cambiando de posición no terreo de xogo.
Na primeira parte, dous erros do Infantil B convertéronse en dous goles en contra, o que provocou que sempre estivemos a remolque, aínda que a reacción aos dous tantos foi case inmediata. Na segunda metade houbo un dominio claro pola nosa parte pero o balón non quixo entrar.
Hugo e Miguel foron os autores dos goles.
Partido que o Infantil A perdeu nos primeiros 20 minutos da primeira parte. Saímos ao campo cunha apatía inusual. Ao principio gañáronnos con todos os balóns divididos e presionáronnos moi ben, non fomos capaces de manexar o partido e en dúas chegadas marcaron 2 goles contra nós. A partir de aí non xogamos ben pero tivemos ocasións un contra un e fallamos chegando ao descanso. A segunda metade, despois da charla e dos axustes tácticos, si practicamos o noso fútbol e fomos moi superiores, marcando rapidamente o gol para acurtar diferenzas. A partir de entón só houbo un equipo no campo e intentouse por todos os xeitos, pero a fortuna hoxe non estivo do noso lado xa que fallamos innumerables ocasións de un contra un, bos tiros e incluso fallamos un penalti. Pero a desgraza chegou nunha xogada sen perigo na que cometemos un erro nunha cesión ao porteiro e aproveitando a ocasión fixeron o 1-3. Derrota amarga e inxusta por ocasións perdidas, pero toca seguir loitando.
O partido do Cadete B quedou practicamente resolto na primeira media hora con tres pelotazos do Lavadores que remataron en gol e con ese 3-0 que condicionou por completo o encontro non houbo opción de reacción.
Boa primeira metade para o Cadete A, xogando e chegando dende atrás pero sen ceder o balón e sen contaxiarnos do rival. Houbo fases da segunda metade que o exceso de calor si afectou ao noso xogo, pero todo serve para aprender, un bo resultado por 1-11, que nos sitúa na cabeza da táboa.
Desastroso partido do Xuvenil B desde o minuto cero ante un dos líderes da clasificación, sen intensidade, sen correr, sen actitude ningunha, baixo unha calor moi forte. Intentando cambiar a dinámica cun cambio aos 20 minutos pero sen resultado, partido e día para esquecer, só queda pensar na vindeira xornada onde loitaremos por esa primeira vitoria que se nos resiste.
A segunda metade foi unha batalla táctica onde todo se disputou no medio campo e as ocasións foron poucas, case ao final unha espectacular parada do noso porteiro Xandre salvounos de perder o partido e mantivo a portería a 0. Partido moi disputado polos chavales. A seguir loitando así.
No hay comentarios:
Publicar un comentario