O Arenas en Xogo

 

Continúa o difícil inicio de tempada para o Prebenxamín B, tentando sentar as bases deste gran equipo. Ánimo rapaces!!! 

 

O partido do Prebenxamín A foi suspendido por problemas do Balaídos para completar a convocatoria.

Despois do triunfo da semana pasada do Benxamín C, esta tivo que sufrir a outra apisonadora da Liga. O CVC Valladares o igual co R.C. Celta conta os seus partidos por goleadas escandalosos. Toca seguir, que xa están superados os dous peores momentos da tempada.

O Benxamín B xogou un encontro no que dende o principio non houbo intensidade, pero a pesar do resultado, os rapaces finalmente pelexaron e deron todo ata o final ante un rival moi superior.

 

Primeiro partido do Benxamín A deixando a porta a cero, onde non nos xeraron perigo e xeramos bastantes ocasións de gol. Guille (3), Adri Viñas, Diego, Marcos Viñas, Rubén e Fabio foron os goleadores.

Moi bo partido de todo o Alevín B. Empezamos con intensidade, enseguida nos adiantamos 2-0 nos primeiros minutos, pero dous erros custáronnos o empate ao descanso. A segunda parte continuou co mesmo ton, moi serios e intensos. Víctor con 3, Manu e Gerard cun gran gol, foron os autores dos goles. En xeral, todo o equipo moi ben, destacando a defensa. Para seguir traballando.

 

Vitoria do Alevín A pero sen facer un gran partido. Tivemos bos momentos combinando o balón, pero tivemos mala sorte nalgúns pases e toma de decisións, non sempre sae todo tan ben pero gañamos e os nenos seguen ilusionados.

 

O Infantil B pagou moi caro perdoar tantas ocasións e, para colmo, regalaron un gol no desconto que provocou a inmerecida derrota. É hora de aprender e continuar.

 

Un partido do Infantil A na mesma liña que no que vai de tempada. Nova derrota inxusta e pola mínima. Fomos superiores en xogo, comezamos gañando cun gol de Nico Vázquez pero chegamos ao descanso con empate 1-1. Ao comezo da segunda metade marcaron 2 goles en 3 minutos. A partir de aí desbordamos o partido por xogo e impetu, tendo innumerables ocasións, marcando unha delas por medio de Samuel para achegarnos no marcador. Ata o final do partido, asedio constante e moitas máis ocasións que nuns casos non soubemos definir e outros non quixo entrar a bola. Tamén nos anularon un gol.Temos que seguir loitando, traballando e esperar que a sorte cambie un pouco, e así será.

  

Pouco que comentar deste horrible partido do Cadete B onde só se salvan os primeiros 20 minutos moi bos con algunhas ocasións perdidas, o descanso foi 0-2, e despois chegou a desfeita nada máis comezar con catro goles encaixados en catorce minutos.

 

O Cadete A segue contando os seus partidos por vitorias que o manten na parte alta da táboa. Ante un rival difícil lograron unha clara vitoria por 3-0.

 

Moi bo partido do Xuvenil B, moi diferente a todos os anteriores. Resultado inxusto, co primeiro gol encaixado claramente en fóra de xogo e o segundo tras o noso erro na marca. Este é o camiño a seguir e a pensar no próximo partido.

 

Partido estraño para o Xuvenil A, onde comezamos dominando o partido aínda que sen crear ocasións claras e tras un malentendido entre o noso porteiro e o central, o dianteiro do Caldelas  aproveitou para marcar o primeiro, a partir de aí foi un querer e sen poder, atacando e defendendo sen control e os contrarios adoitaron lanzar contras. Despois dun córner executado á perfección por eles, poñendo o balón no pao afastado onde o dianteiro só meteu a cabeza, marcaron o segundo e foi cando o equipo se dividiu. Tras os cambios parecía que podíamos entrar no partido pero noutra contra nos remataron e  despois tras un penalti, marcarían o 0-4 definitivo. Moitas cousas que mellorar.