domingo, 26 de febrero de 2023

O Arenas en Xogo

 

Bonito marcador para o partido do Prebenxamín B, mágoa que rematou en derrota, pero foi un partido divertido e con moitos goles onde os pequenos o pasaron ben e intentaron aprender e mellorar.

 

Gran partido do equipazo que temos no Benxamín B, dende o primeiro momento fóronse polo partido e xa nos primeiros 5 minutos con dous remates ao pao  palpábase que os goles non tardarían en chegar, foi un acoso constante e o final da primeira parte chegouse cun 3-0 a favor. A segunda metade comezou como a primeira, un asedio total con bo ritmo de xogo aunque houbo bos tramos para o Porriño nos que conseguiron recortar diferenzas, pero os 4 goles de Martín, 2 de Manu e 1 de Adrián Viñas selaron o partido. A seguir con esta boa liña que leva o equipo


Vitoria por 4-0 do Benxamín A ante un rival co que estaban igualados a puntos. Un partido moi bo, que controlaron e dominaron por completo en todo momento. O Val Miñor "E" apenas creou perigo e foi un pracer ver xogar ao noso equipo. Guille con 2, Unai e Pedro foron os goleadores. Vitoria que eleva ao equipo ao terceiro posto da Clasificación.

 

O Alevín B mantén a mesma dinámica dos últimos partidos. Comezaron moi ben, gañando 1-0 no primeiro tempo. Na segunda metade o Valladares buscou máis a vitoria, aumentou a intensidade do xogo, máis ganas e velocidade, o que lle permitiu remontar ata o 1-3. Finalmente, a falta de 1 minuto para o final, os nosos marcaron o definitivo 2-3.


Un mal día para o Alevín B, xogando o peor partido da tempada con diferenza, sen xogar nada, un desastre e ante un rival que non perdoou ningunha ocasión.

  

O Club Peñasco foi unha apisonadora para o noso Infantil B, un resultado final que non admite discusión e só destacar os goles de Gabriel, Pablo e Andrés. Animo rapaces!!!

 

Mala racha do Infantil A que leva 3 derrotas consecutivas pero que non empaña a gran campaña en Primeira. Marcador abultado onde os dous goles da UD Comesaña nos primeiros 15 minutos condicionaron o desenvolvemento de todo o partido.

 

A vitoria escapóuselle ao Cadete B no último minuto do desconto dos 6 sumados polo colexiado. Unha mágoa, xa que o noso equipo estaba xogando con 10 desde o minuto 60 cando un dos nosos xogadores foi expulsado por dobre amarela, o resto do equipo aguantou como puido pero ao final os rapaces quedaron frustrados porque o balón non quería volver entrar. O positivo, que se ve melloría, gañas e que non se renden aínda que a situación sexa adversa. O marcador chegouse ao descanso co 2-1, que se ampliou ao 3-1 nada máis comezar a segunda parte, pero a falta de enerxía e o estar con un menos superou ao equipo. Unha mágoa. Nico e Iker con 2 foron os goleadores.

 


Despois dunha semana convulsa, e que seguirá coleando, pola inxusta e escandalosa situación sufrida a xornada anterior, esta semana o Cadete A tivo un partido tranquilo ante o colista, que solventou cun claro 5-0 con goles de Gabriel, Izan, Andrés e 2 de Matías. Aínda que é moi difícil, hai que superar estes momentos e non deixarnos desestabilizar por actitudes miserables.


O partido do Xuvenil B desta xornada tivo dous tempos moi diferentes. Na primeira parte, o Peñasco marcou moi cedo no minuto 9 e despois fixo un gran desgaste físico que non nos permitiu facer o noso partido, aínda así tivemos algunha ocasión e conseguimos marcar antes do descanso grazas a un cabezazo de Pola a saída dun corner. A segunda parte foi outra historia na que Peñasco acusou o desgaste da primeira parte, os nosos foron moito mellores e así chegaron os goles de Iago e Gael, un dende fóra da área e outro de cabeza asaída dun córner, e o de David que puso o 4-1. O Peñasco marcaría o 4-2 no último minuto, nun momento de relaxación. Destacar a actuación do porteiro do Peñasco que coas súas paradas e algún que outro erro no noso remate, evitou unha goleada.


 


Un partido do Xuvenil A que semellaba moi claro cos tres goles de Álvaro, Diuma e Samu Ruíz na primeira media hora, con bo xogo, ben colocado e con suficiente ritmo; Complicouse cunha segunda metade moi mala onde o colexio do Hogar remontou ate empatar a 3, falta de intensidade, vírono moi doado, todos querían o seu gol e nun descoido o Col. Hogar marcou o primeiro tanto, de ahí chegou o caos e o empate. Afortunadamente, un gol de Iñigo, que acababa de entrar, salvou nos minutos finais os tres puntos e deu un respiro na clasificación tras varias xornadas sen marcar.
Destacar o gran partido de Mael como porteiro, é cadete de primeiro ano e fixo unha gran actuación igual que Mario Negrete, outro cadete que fixo un gran partido.
Moito que corrixir xa que o partido se gañou na primeira metade e case se lle escapa na segunda.





No hay comentarios:

Publicar un comentario