O Arenas en Xogo

O Prebenxamín non tivo unha boa xornada ante o Areosa nun encontro no que non tivo ningunha opción  e sufriu una contundente derrota:

Derrota sen paliativos do Benxamín B nun partido ao que se presentou sen posibilidade de cambios, pelexaron pero nótase a diferenza que reflicte o marcador  1-14. Moi orgullosos do equipo pola entrega.

Partido sen historial do Alevín B ante un rival moi inferior. Poucas cousas positivas agás o resultado e a boa actitude dos rapaces.

Os goles de Vicente, Sergio, Isaac, un dun xogador do CD Nieto en propia porta e 2 de Hugo completaron a vitoria do Alevín A:

Unha ilusionante e moi boa primeira media hora do Infantil B convertida en despropósito na segunda parte que levou o marcador ao 11-0 final ante un dos líderes da categoría.

Outro bo comezo foi o do Infantil A no seu partido no Penedo da Moo, que se adiantou cun gol de Miguel no minuto 17, empatou o A. Matamá 12 minutos despois, empate co que se chegou ao descanso. Pero na segunda parte os goles caeron do lado dos locais.

O empate do Cadete B celebrouse como un triunfo ante un equipo que loita polo ascenso e lidera a clasificación, un partido moi disputado, aguantado coma xabarís e con ocasións de gol, que tamén tiveron eles pero que San Gabriel evitou coas suas mans salvadoras. Este equipo xa sabe o que é xogar e competir nun partido de verdade.

Outra vitoria por goleada do Cadete A nesta ocasión ante o Balaídos CF, e como en todos os partidos con goles moi repartidos: Ali, Zakariae, Andrés, Izan e Mario con 1 e Rubén e Claudio con 2 cada un deixaron o marcador final no 1-9.

Unha vez máis faltoulle intensidade ao Xuvenil B, cando o partido foi mellor co 1-1 tras o gol de Mateo, un xogador do Arenas foi expulsado por dobre amarela no minuto 57, o que desequilibrou as forzas dos dous equipos e despois o marcador:

Xuvenil A. Mal partido por ambas bandas, onde saímos con ritmo alto e movendo o balón rápido, pero foi un espellismo porque a pesar de que nos adiantamos cun gol de Álvaro froito dese ritmo tan forte, ao minuto seguinte empataronnos, e ese gol fíxonos dano, a situación empeorou cando dez minutos despois, no 18, nunha contra nos fixeron o segundo. Na segunda parte saímos moi fortes de novo, pero non aproveitamos as claras ocasións que tivemos, algo que fixo Balaídos con outro balón longo que lles abondou para facer o 3-1 e sentenciar o partido, só catro minutos despois marcaron o 4º gol e Bryan marcou o definitivo 4-2.