Esta fin de semana os nosos equipos de Futbol 8 seguiron afinando a preparación de pretemporada coa disputa de Torneos e partidos amigables. Destaca o cuarto posto logrado polo Benxamín A no Torneo de Atios tras pelexar en semifinais ata o ultimo momento contra o Santa Mariña, un equipo de categoría superior, e perder o partido do terceiro e cuarto posto na quenda de penaltis. O Alevín C, no partido máis frouxo dos que leva disputados impúxose por 3-8 ao Valladares B e o Alevín A en un moi bo partido gañou por 0-3 ao Valladares A.
O Infantil B enfrontouse a un equipo con xogadores enormes, moi ben traballado, con automatismos perfectamente adestrados e un nivel técnico máis que aceptable; a pesar da charla prepartido saímos algo despistados xa que exactamente en 10 minutos cometemos dous erros groseiros que nos custaron senllos goles, e aínda tardamos outros 10 en darnos conta de que se xogabamos ao que sabemos en lugar de ao que querían eles, faciámoslles moito dano; do minuto 20 ao 40 cercamos a súa portería con infinidade de ocasións que non soubemos concretar, nalgún caso por erros na toma de decisión e resolución. O inicio da segunda metade foi un calco do inicio de partido (a charla do descanso non conseguiu o efecto desexado….) outro erro garrafal nunha cobertura cústanos o terceiro gol en contra. De aí ao final volvemos tocar e xerar moitísimas ocasións ata que por fin logramos concretar unha delas, sen apenas tempo para máis, polo menos seguimos crendo e terminamos encerrando ao San Esteban no balcón da súa área que xa só limitábase a buscar en longo ao seu único dianteiro. Como punto positivo destacar a entrega e disciplina sen reservas de parte do equipo, competindo a pesar do resultado ata o asubío final.
O Infantil A entrou moi ben no partido, facendo unha presión moi alta, obrigándolles a que non xogasen con claridade e nunha xogada de corner adiantámonos logrando o 0-1 por mediación de Eneko, mantivémonos moi ben os primeiros 15/20 min, pero despois encaixamos 3 goles bastante seguidos, nun erro de marca fannos o 1-1, o 2-1 vén precedido dunha falta ao porteiro que non sinala o árbitro e noutro erro de despexe fannos o 3-1 co que nos imos ao descanso. O reto era difícil pero tentamos ir a por o empate e nese ímpetu encaixamos 2 goles màis (1 deles de penalti). Quitando eses minutos do inicio nos que estivemos moi ben, o resto do partido faltounos chegar mellor e con máis claridade aos duelos. Toca animarse e seguir mellorando.
Partido moi duro, o que sufriu o Cadete B contra un rival que non xogou ao fútbol e que acabou con 9 xogadores. Empezamos moi ben a pesar de non xogar cómodos pola presión do rival que ía con todo e cun árbitro que na primeira parte permitiu en exceso ese xogo tan brusco. Adiantámonos no marcador cun bo gol desde fóra da área e co partido controlado, nun erro de saída encaixamos o gol do empate. Seguimos igual, eles moi intensos e debido a ese exceso de intensidade chegou a primeira expulsión por unha patada sen balón. A partir de aí, conseguimos apropiarnos aínda máis do partido e fómonos 1-2 ao descanso. Só tiñamos que corrixir dúas cousas: aumentar a intensidade e non caer nas provocacións nin entrar na súa guerra. Ao comezo da segunda parte chegou o empate nun balón parado que nos descolocó un pouco, pero á contra chegou o 2-3 e finalmente o 2-4 cun golazo de Álvaro desde fóra da área que entrou por toda a escuadra. A partir de aí, patadas e máis patadas, un penalti en contra que fallan e máis patadas. A falta de 5 minutos para o final, porteiro expulsado, insultos ao árbitro, ...... lamentable. Gran esforzo de todos os rapaces,non caendo nas provocacións e conseguindo outros 3 puntos. Goles: Álvaro (2), Jorge e Dani.
Felicitar de maneira especial ao Cadete A por competir tan ben, cunha actitude moi moi boa, a pesar das numerosas baixas e dispoñer só dun cambio. Gastouse un enorme esforzo que non foi recompensado, simplemente porque o árbitro non quixo ver 2 penaltis clarísimos nin a falta escandalosa que precede ao seu gol a 3 minutos do final do partido. Coa actitude de hoxe e cando teñamos o equipo completo, os resultados chegarán, non hai dúbida ningunha.
Ante un equipo que só xoga ao patadón, noso Xuvenil B cometeu dous erros infantís moi seguidos que puxeron o marcador cun 2-0. Nacho fixo o 2-1 antes do descanso pero contaxiámonos do seu xogo cando levamos todo o mes adestrando para desenvolver un xogo todo o contrario ao realizado esta xornada. Ao pouco de empezar a segunda metade encaixamos o 3-1 e a partir de aí xogámosnolo todo con 3 cambios, xogando un 3-3-4 moi ofensivo e logramos unha remontada épica 3-4; pero seguiamos xogando ao patadón e eles eran mellores que nós con ese estilo, empezamos a fallar despexes, empátannos e un penalti evitable pero xusto, no último minuto, custounos a derrota. Alexandre con dous, Nacho e Marcos foron os goleadores.
Espectacular partido o que disputou o Xuvenil A en Gondomar, o resultado final o di todo e no resumo apréciase o ritmo que provocou esa avalancha de goles. Unha primeira parte con constantes alternativas onde sempre fomos por diante no marcador pero o Gondomar logrou igualar ata en tres ocasiones. Nun cuarto de hora fabuloso do noso equipo logramos distanciarnos ata o 3-6 que nos últimos minutos reduciu o Gondomar deixando o 4-6 definitivo. Rubén cun hat-trick, Sergio, Dani Cawley e Dani Figueroa foron os goleadores.
Xornada 13 - 14 Setembro 2025:
Gran comezo de tempada do Infantil B. Empezamos un pouco nerviosos, normal, porque para case todo o equipo é o seu primeiro ano xogando en campo grande pero despois de pasar eses momentos iniciais, empezaron a crer e o primeiro gol chegou aos 10 minutos, a partir de aí fixémonos co control case todo o partido. Os xogadores do Teis chegaban por momentos á nosa área. A segunda parte foi un acoso á portería contraria pola nosa banda cun gran partido de todo o equipo, destacando Diego que ademais anotou tres tantos, o resto de goles moi repartidos a cargo de Anxo (2), Roi, Daniel, Sergio e Leo . Feicitaciones a todo o equipazo ao completo.
Partido moi igualado o disputado polo Infantil A. A nós na primeira parte custábanos ter o balón, eles nos encimaban e chegaban con máis facilidade grazas aos seus xogadores que son rápidos e que entraban moi ben por banda, cousa que nos facía dano aínda que estivemos ben no corte, nunha desas xogadas, meten un centro e despois de varios rexeites marcan o 0-1. Así chegamos ao descanso, na segunda metade fomos mellores e sometémolos completamente, recuperabamos ben no medio do campo e entrabamos con facilidade cara á súa portería; nunha xogada de córner e tras unha lea na área conseguimos o 1-1 por mediación de Antonio. Tentámolo ata o final, pero demos por bo este primeiro punto. Felicitar aos xogadorazos porque tiveron que esforzarse moito para lograr este punto.
Primeiro partido de liga do Cadete B e primeira vitoria ante un rival moi frouxo que non chegou a porta en todo o partido. Mellor a primeira parte que a segunda, con boa circulación de balón e sendo verticais, ás veces demasiado; chegamos ao descanso con 5-0 no marcador. Falouse cos rapaces no descanso, que tentasen combinar e non ser tan verticais para evitar unha goleada. Aínda así, por inercia, chegaron outros 5 goles. Ao final 10-0, contentos polos rapaces e o xogo en algures do partido. Goles: Bafode 3, Miguel 3, André, Jorge, Pablo e Javi. A seguir traballando!!!.
Mal inicio de tempada do Cadete A no seu debut en Primeira Autonómica. Sabíase que o inicio ía ser duro polas baixas que ten o equipo nestes momentos pero non serve de escusa, xa que na primeira parte pasáronnos por encima por actitude. Tivemos a primeira ocasión clara do partido ao noso favor pero desaproveitámola e iso págase. Encaixamos dous goles en senllos fallos individuais antes de chegar ao descanso. Ao comezo da segunda metade, outro erro individual provoca un penalti en contra e a expulsión do defensor que levou un 0-3 demoledor ao marcador. A partir de aí e á desesperada, cambiamos posicións, buscamos un xogo máis directo, que unido a un cambio de actitude fixo que chegasen as ocasions. Nunha delas marcamos o 1-3 por medio de Alejandro. Tivemos algunha ocasión máis clarísima para poder achegarnos no marcador pero fallamos. Xa case finalizado o partido, marcan o 1-4 de falta directa que o árbitro permite sacar cando aínda non estaba a barreira colocada nin o porteiro no seu sitio despois de solicitar a distancia reglamentaria. Outro capítulo aparte é a nefasta arbitraxe, unha vez máis, unha tempada máis, non arbitrou co mesmo criterio para ambos lados e cometeu erros moi graves. Inicio complicado, pero a tempada é moi longa. Ánimo Equipazo!!!
Primeiro partido da tempada do Xuvenil B onde regalamos o primeiro tempo sen facer nada do que vimos traballando e cometendo moitos erros que fixo que chegasemos ao descanso cun 0-1 en contra. A charla táctica do descanso non serviu para moito pois no primeiro minuto encaixamos o 0-2. A partir de aí tentámolo cos cambios e Marcos fixo o 1-2; encerramos ao rival no seu campo que só saían en balóns longos pero o noso dominio non serviu de nada ao non disparar a portería. A seguir traballando que isto só acaba de empezar.
O partido inaugural do Xuvenil A finalizou con sabor agridoce polo resultado negativo pero con boas sensacións na primeira parte ainda que saímos algo nerviosos, eles fóronse apropiando do partido adiantándose no marcador, aos poucos fómonos asentando no campo logrando dominar o partido, remontando con goles de Sergio e Breixo e fallando ocasións moi claras incluído un penalti, pero no último segundo empátannos a dous e iso fíxonos moito dano xa que na segunda metade non saímos ao partido, era todo un despropósito, non dabamos dous pases seguidos, sufrimos a expulsión dun xogador e aos poucos fóronnos marcando ata o 2-5 definitivo. Quedamos co xogo da primeira parte. Traballaremos duro para axustarnos e que a balanza caia cara a este lado.
Xornada 25 maio:
Partido moi igualado o do Prebenxamín no que finalmente os nosos pequenos campións impuxéronse a penaltis logrando a clasificación. Primeiros dous cuartos xogando moi serios, mantendo portería a cero, no que o rival non conseguiu dispararnos a portería e nos que dispuxemos dalgunhas ocasións que non conseguimos materializar. No terceiro cuarto saímos algo despistados o que provocou o primeiro gol do rival e que fixo que os nenos viñesen abaixo perdendo o parcial claramente. No último parcial, os nenos reactiváronse conscientes de que gañando ese cuarto podiamos chegar aos penaltis e de novo responderon á perfección materializando nesta ocasión unha das ocasións creadas, o que unido a un gran traballo defensivo permitiunos manter a portería a cero. Nos penaltis despois dunha longa quenda conseguieron impoñerse. Con este pase coámonos en semifinais con toda a ilusión de manter o refacho tras apear na Copa ao subcampeon e ao campión da fase de ascenso invicto en toda esta fase. Parabén equipazo.
Na Festa de Fin de Temporada celebrada o pasado día 20 de xuño fixemos entrega do VIII Trofeo LÓPEZ FRAGUEIRO (Directivo de honra do Club) resultado da votación dos compañeiros e compañeiras de cada categoría por valores extradeportivos, como compañerismo, educación, humildade, constancia.
#PaixónRespectoHumildade
Estes son os gañadores das categorías de Futbol-11.
Na Festa de Fin de Temporada celebrada o pasado día 20 de xuño fixemos entrega do VIII Trofeo LÓPEZ FRAGUEIRO (Directivo de honra do Club) resultado da votación dos compañeiros e compañeiras de cada categoría por valores extradeportivos, como compañerismo, educación, humildade, constancia.
#PaixónRespectoHumildade
Estes son os gañadores das categorías de Futbol-8.
Esta semana no programa "Aquí Hay Cantera" de Televigo o Arenas aparece por partida dobre nos resumos: O Alevín Á partir do minuto 5 e 28 segundos e o Alevín B a partir do minuto 7.
Miranda, o adestrador do Xuvenil B, participou na Tertulia do programa "Aquí Hay Cantera" de Televigo, a partir do minuto 25 e 50 segundos e onde houbo unha mensaxe de ánimo a Enmanuel tras a súa lesión.
Os nosos xogadores coméntannos como nos foi nesta primeira metade da Liga: Hugo, Xacobe e Mario do Prebenxamín; Hugo e Artai do Benxamín B; Oli e Manu do Benxamín A; Unai e Sergio do Alevín C; Román e Manu do Alevín B; Hugo e Guille do Alevín A; Rodri e André do Infantil B; Unai e Vicente do Infantil A; Samuel e Hugo do Cadete B; José e Mario do Cadete A; Rafa e Bruno do Xuvenil B e Andrés e Raúl do Xuvenil A.
.png)
