O Arenas En Xogo

Bo partido e moi igualado o disputado polo Prebenxamín ante o Rápido de Bouzas B e que rematou con empate 1-1.

Outra xornada sen partido do Benxamín B, esta vez pola retirada da competición do equipo que lle correspondía no Calendario.

O primeiro dos nosos equipos que tivo que "pasar polo dentista", como dixo Caparrós, foi o Benxamín A, o resultado final 1-15  ante o R.C. Celta indica o tipo de partido que se disputou en Navia, partido no que os nenos loitaron moito e dérono todo, adiantouse o Celta moi pronto pero aguantamos o 1-0 ata o minuto 15 onde despois dos nosos erros e dos seus acertos marcaron 5 goles case seguidos, pero en todo momento intentaron xogar de ti a ti; iso si, o gran gol do Arenas marcado por Rubén con moita clase define o noso equipo:

Nun duelo na zona media baixa da táboa, o Alevín B caeu con claridade ante o Balaídos por 0-4:

O partido do Alevín A aprazouse finalmente para o vindeiro mércores día 23.

Un duro trance que tamén tivo que pasar esta semana o Infantil B no seu partido ante o destacado líder da competición, invicto e que remata moitos dos seus encontros con goleada. Boa actitude dos rapaces, ganas de xogar, sen desánimo e sen rendirse en ningún momento. É un rival fantástico, sen prepotencia, respectuoso en todo momento... non quixeron facer dano. Agradecemento ao San Miguel por ese comportamento.                    

Outro equipo que esta xornada tivo que "pasar polo dentista" foi o Infantil A, pero unha vez máis, como nos está acostumando esta gran tempada de Primeira, os nosos xogadores deron todo e loitaron, pero o R.C. O Celta é moi superior. Aínda así, 3 fallos nosos e non ter aproveitado 3 ocasións claras impediron un marcador máis igualado que o 0-8 final.

 

Resultado curioso no dobre enfrontamento entre o CD Nieto e o Arenas na Categoría Cadete. 

O Cadete B, que se enfrontaba ao CD Nieto A, sufriu unha espectacular derrota por 0-12 nun encontro condicionado pola expulsión dun dos nosos xogadores aos 24 minutos, que ampliou aínda máis a diferenza inicial entre os dous equipos, a partir dese momento vendaval de goles e xogo do Nieto.

Intercambio na goleada do Cadete A ante o CD Nieto B por 13-0, nun encontro moi ben traballado por todos os xogadores. Os cinco goles de Mario Negrete o colocan no terceiro posto da táboa de goleadores. Rubén, Ali e Santi con dous cada un, e Maías e Izan con 1, completaron a goleada:

Mal día para o noso equipo dos récords, o Xuvenil B, derrota clara nun mal partido xogado polos nosos ante o líder e un dos favoritos para lograr o ascenso:

Poalla que poalla. Dalle que dalle. Arenas Vs Choco. Xuvenil de Primeira. Partido moi serio e intenso. Uns loitan por salir da parte Baixa da taboa e outros por seguir na parte Alta. A primeira parte foi un tanteo continuo, un toma e daca, ou un quero e non podo, ou ti si pero eu mais. Xa no segundo tempo houbo un pouco mais de ganas, e o desgaste físico propiciou algúns momentos de mais corazón que Forza. O Arenas non perdeu a compostura e como un martelo pilón seguíu moi serio a buscar o momento oportuno e ese parecía ser o penalty sinalado contra o Choco. Pero ese non foi o momento. Lanzador e porteiro, porteiro e lanzador. E o porteiro gañoulle o xogo detendo o lanzamento. E.como isto é fútbol, na seguinte xogada nunha contra pola banda esquerda remata cun tiro por riba do porteiro ó segundo pao ó fondo da rede. Do posible 1-0 ao real 0-1. O Choco xa xoga co marcador de cara e o Arenas busca restaurar o marcador. Os cambios nos dous bandos propician un partido mais aberto. E xa nas postrimerías nunha xogada de empuxe o equipo local acada o empate por medio de Anxo. Quizáis non foi a ocasión máis clara min a mellor, pero foi a que acabou no fondo da rede. E o descontó foi intenso pero non deu para desfacer o empate. A óptica do noso cristal di que melloramos no noso xogo e que merecemos ganar, pero isto non son ciencias exactas: