Horarios iniciais dos adestramentos ¡¡¡Comezamos!!!

Xa próximos a comezar a nova temporada 20-21 , desde o Arenas de Alcabre queremos darvos as grazas por confiar en nós para retomar aquilo que nos gusta, promover a actividade deportiva, transmitindo os valores e os coñecementos que fomos adquirindo co paso dos anos. Nesta nova temporada de incertezas, nós preparámonos para asumir o reto. Redeseñamos horarios de adestramento para facilitar un acceso ás instalacións máis ordenado e menos masificado. A hora de entrada é a marcada. Inicialmente os equipos de PREBENXAMÍNS, BENXAMÍNS, ALEVÍN ”A”, ALEVÍN “B”, CADETE E INFANTIL só adestrarán un día para ir adaptándose fisicamente e coñecer as normas do Protocolo COVID. En cambio os equipos de Xuvenís, “A” e “B” farano tres días á semana. En canto as condicións normativas, sanitarias ou deportivas nolo permitan, farémosvos chegar un novo horario para poder aumentar os días ou horas de adestramento e axustar as horas. De todos e todas é sabido que a vosa colaboración é imprescindible para poder desenvolver os adestramentos con normalidade e por iso pedímosvos que teñades en conta os protocolos que imos ter que cumprir. Con todo, velaí as datas de inicio e o cadro de horarios para os adestramentos de F8 e de F11.